Қазақ куресінен «Кәсіподақ Барысы» республикалық турнирі

 Қазан айының 31 күні Тараз қаласының "Тараз-арена" спорт кешенінде Қазақстан Республикасы білім қызметкерлерінің салалық кәсіподағының ұйымдастыруымен өткен қазақ куресінен «Кәсіподақ Барысы» республикалық турнирінде Қазақстандық Оқу-ағарту, Ғылым және жоғары білім қызметкерлерінің салалық кәсіптік одағының Астана қаласы мен Ақмола облыстық ұйымының атынан осы турнирде Целиноград ауданының ұстазы, кәсіподақ мүшесі, Қоянды ауылының №2 ОМ дене шынықтыру мұғалімі, салмағы 110кг, қазақ  күресінен спорт шеберіне үміткер, ҚР чемпионатының  жулдегері, ҚР кубогінің жеңімпазы, Астана барысы 2023, 2024 ж  чемпионы Айсағалиев  Нұрдаулет Нұрболұлы қатысты. 
 Бұл палуанның бапкері Сұлтан Нұрбол Целиноград ауданы Қарөткел ауылы ІТ лицейінің дене шынықтыру мұғалімі Қазақша күрестен  ардагерлер арасында облыстық, аудандық турнирлерінің жулдегері, 2022ж «Қараөткел барысы» жеңімпазы, 2023ж -Халықаралық дәрежеде күрестен бапкер атағының иегері.
 Бірнеше қарсыласының жауырынын жерге тигізіп 90 килограммнан жоғары дәрежелі салмақта "Кәсіподақ барысы" белдігін қанжығасына байлаған Қоянды ауылының №2 орта мектебінің дене шынықтыру мұғалімі Айсағалиев  Нұрдаулет Нұрболұлын құттықтаймыз!