Аудандық дебат

Бүгін,  Қоянды  ауылының жаңа №2 мектебінде  көктемнің алғашқы күнінде бастауын алған   Целиноград ауданының Жастар ресурстық орталығымен ұйымдастырылған Тәуелсіздіктің 30 жылдығы аясында Целиноград ауданының дебат турнирінің  кезекті пікірсайысы өтті.  Софиевка, Приречное және Қоянды ауылының  жастары ортаға пікір тастап, керемет ойын көрсетті. 
Пікір сайыс — ой тұжырымдауға үйренудің  тамаша тәсілі ғана емес, логикалық ойлау және өз ұстанымын дәлелдеуіне қол жеткізу және күрделі мәселелерді шешуге арналған. Сонымен қатар, пікірталас нақты уақытта кез-келген жағдайды әр түрлі жағынан талдауға және идеялар бәсекелестігіндегі құндылықты көруге мүмкіндік береді. Дебатқа қатысу мүмкіндігі күнделікті өмірде де қажет. 
Бүгінгі пікірсайыс барысында спикерлер үздік эрудиция көрсетті, елдің проблемалары, жастардың болашағы, тәуелсіздік жылдарындағы жетістіктер туралы қызықты, пайдалы әңгіме болды. Пікірсайыста қай тарап жеңіске жеткеніне қарамастан, екі команда да шешендік, фактілермен жұмыс жасау және көпшілікті өз пікірінің дұрыстығына сендіру қабілеттерін көрсетті.