Текст
Туған күніңмен, алтын ұя – мектебіміз!
Биылғы жыл - біз үшін ерекше жыл. Ерекше болатындығы – мектебіміздің 1 жылдық мерейтойы ел тәуелсіздігінің 30 жылдық мерекесімен тұспа-тұс келіп отыр. «Өткеніміз - өнеге, күткеніміз - келешек» дегендей 1 жыл бойы жас ұрпақтың жүрегіне ыстық сағыныш ұялатып, білім мен тәрбие нұрын таратумен келе жатқан білім ұясы 2021 жылдың ақпанында өз жұмысын бастап кеткен. Осы айтулы күнге орай “Білім ордамызға 1 жыл” атты мерекелік іс-шара өткізілді. Алғы сөзді мектеп директоры Қаратаев Тұрар Батырғалиұлы алып, мектебіміздің ұжымын мерейтоймен құттықтады. Іс-шара аясында оқушылардың білім ордамызға арнау өлеңдері оқылып, мектебіміз жұмысын бастағаннан, бүгінгі күнге дейінгі жеткен жетістіктері сараланды.