Алғыс айту күні

Баланың болашағы, оқуда қандай жетістікке жететіні, өмірде қаншалықты табысты, іскер болатыны тікелей мұғалімге  байланысты. Ең қадірлі, ең мерейлі әрі аса жауапты ұстаз  Жадрасинова Сауле Есмурзақызы.
Ұлт ұстазы, қазақтың өткені ғасырдағы руханиятының көшбасшысы Ахмет Байтұрсынұлы: "Мектептің жаны - мұғалім. Мұғалім қандай болса, мектебі Һәм сондай болмақшы, яғни мұғалім білімді болса, білген білімін басқаға үйрете білетін болса, ол мектептен балалар көбірек білім біліп шықпақшы. Солай болған соң, ең әуелі, мектепке керегі - білімді, педагогика, методикадан хабардар, оқыта білетін мұғалім"- депті. Тәжірибесі мол ұстаз Сауле Есмурзақызы  көп  балаға білім үйретіп, тәрбие тағылымын дарытып келе жатқан  өзінің ісімен, өзінің сөзімен егемен еліміздің болашағын ойлайтын, тәуелсіздігін қорғайтын білімді ұрпақтарды тәрбиелеп отыр. 
Менің қызым  Нүргүл Қоянды №2 жалпы орта білім беретін мектебінде 1 б сыныбында  оқиды. Ата-ана  ретінде  Сауле Есмурзақызы  оқушыларға үнемі  білім тұңғиығынан нәр алдырып,  ізгілік пен адамгершіліккке баулиды, табандылықпен еңбек етіп,  биік мақсаттар қоюды үйретті. 28 жыл еңбек өтілімен зерттеуші дәрежесінде  балаларымызға шынайы көңілімен жақсы көріп, актерлік шеберлікпен,  қызықты әдіс-тәсілдермен оқушылардың сабаққа деген қызығушылығын арттырады, балаларымызға сабақты үлкен дайындықпен  өткізеді.   Өз шәкірттеріне терең білім беріп, тылсым дүниені танытты. 
"Ұстаз, сенің алдыңда бас июге рұқсат ет!" - деген көпке танымал өлең жолдарымен ата-ана ретінде  Сауле Есмұрзақызына алғыс айтамын.

1 б сынып  ата – анасы Хулала Мәншүк