Текст
Жаз жайнатып, күн күлдіріп, біз лагерьге барамыз, - деп оқу жылы аяқталысымен мектеп оқушылары жазғы лагерьлерге баруға асығады. Жайраңдаған жаздың қуаныш пен шаттыққа толы ұмытылмас естеліктері балалардың осындай жазғы демалыс лагерінен бастау алары сөзсіз. Осы орайда мектебіміздің көп балалы және әлеуметтік жағынан аз қамтылған отбасынан шыққан 5 оқушы тамыз айының 16-25 аралығында Целиноград ауданы білім бөлімінің ұйымдастыруымен EDELWEISS BOROVOE атты ойын-сауықтыру лагеріне барып демалып келді. Целиноград ауданы білім бөлімі ұжымына ата-аналарымыз ыстық ықыластары мен жылы лебіздерін білдірді.