Робототехника кабинетінің ашылуы

           Бүгін мектебімізде, яғни 2023 жылдың 6-наурыз күні "Қазақстан халқына" Қоғамдық Қоры  жобасы аясында және  Арман Инжиниринг ЖШС демеушілігімен робототехника кабинеті ашылды.  Салтанатты іс – шараға "Қазақстан халқына" Қоғамдық Қорының Басқарма Төрағасы Жамишев Болат Бидахметұлы және қор қызметкерлері, Ақмола облысы Целиноград ауданының әкімі Оспанбеков Бақытбек Амантайұлы, Ақмола облысы білім басқармасы басшысының міндетін атқарушы Гамазов Валерий Георгиевич,  Халықаралық робототехника бағытының Басқарушы директоры Сушков Максим Игоревич, Арман Инжиниринг ЖШС басшысы Болат Жандос Болатұлы және компания қызметкерлері, Инженерлік білім беруді дамыту қорының директоры Қонысбаева Дамиля Туремуратовна, КЕАҚ аға ғылыми қызметкері Шаниев Ержан Болатұлы, Целиноград аудандық білім бөлімінің басшысы Искаков Сейфулла Абдуович, Қоянды ауылының әкімі Солтанбай Бахытхан, БАҚ өкілдері қатысты.
         Қазақстан Республикасы Оқу-ағарту министрліг і«Республикалық қосымша  білім беру оқу-әдістемелік орталығы»  мен  Арман Инжиниринг ЖШС-нің ұйымдастыруымен ZOOM  платформасында өтіп жатқан «Бағдарламалау негіздері және робототехника» біліктілікті арттыру  курсына интернет желісі  арқылы қосылып,  курс  тыңдаушыларымен  тікелей байланыс ұйымдастырылды. Курс кураторы Абдрахметова Алтыншаш Қасымқызы біліктілікті арттыру курсы туралы айтып береді.
Келген қонақтар ұстаздар мен оқушылардың концерттік бағдарламасын тамашалап, соңында ізгі лебіздерін білдірді.
Сонымен қатар Халықаралық робототехника бағытының Басқарушы директоры Сушков М.И. "Болашақ инженер" жобасымен таныстырып өтті.
Мектеп директоры Смагулова Р.М. келген қонақтарға  ұжым атынан зор ризашылығын білдірді.