ӘДІСТЕМЕЛІК КҮН ҰЙЫМДАСТЫРЫЛДЫ

2023 жылдың 21 сәуірінде Жетекші мектеп жобасы аясында серіктес Опан ауылында негізгі орта мектебі ұстаздардың сабақ барысындағы әдіс тәсілдерімен тәжірибе алмасу мақсатында «Жаңартылған білім беру мазмұны бойынша жаңаша әдіс-тәсілдерді сабақта қолданудың тиімділігі» әдістемелік күн ұйымдастырылды.
Әдістемелік күн барысында ашық сабақтар топтамасы ұсынылды. Мектептің тәжірибелі, креативті ұстаздары «Решение задач в 2-3 действия» (Статина М.В.), «Ақсу-Жабағылы қорығы», «Қазақ қолөнері» (Капанова А.К.), «Бас әріптен басталып жазылатын сөздер» (Амренова Ш.С.), «Дүниежүзілік шаруашылық салалары: Ауыл шаруашылығы мен өнеркәсіп» (Жунисова Г.К.), «Здоровое питание – залог здоровья» (Иманкулова А.К.) тақырыптарындағы ашық сабақтар мен сабақтан тыс іс-шараларда жаңаша әдіс-тәсілдерді қолданудың тиімді жолдарын көрсетті.
Тәжірибе алаңына жетекші, серіктес мектептер Қоянды ауылының №2 ЖОББМ, Қоянды ауылының №1 ЖОББМ, Қызылсуат ауылы ЖОББМ, Шұбар ауылы НОМ, Қажымұқан ОМ, Алтынсарин НОМ педагогтері қатысты.
Семинар соңында спикерлер мен қатысушы ұстаздар сертификаттармен марапатталды.
Әдістемелік семинар жұмысын жоғары деңгейде ұйымдастырған, серіктес мектеп ұстаздарына әдістемелік көмек көрсеткен Опан мектебінің әкімшілігі мен ұжымына жетекші мектеп атынан үлкен алғыс білдіре отырып, шығармашылық толағай табыстар тілейміз! 💐