«Авторлық бағдарламаны қарқынды жазу» курсы

Қазіргі әлеуметтік-экономикалық жағдайда еліміздің білім беру жүйесінің алдында тұрған маңызды міндеттердің бірі – білім алушыларға сапалы және қолжетімді білім беру. Бұл мәселені шешудің бір жолы – оқушыларға қосымша білім беру. Елімізде әртүрлі пәндер бойынша қосымша оқыту жүйесін қолдану арқылы факультатив, таңдау курстарының саны жыл санап өсіп келеді.

Біздің мақсат – мектебіміздің мұғалімдері арасында өзекті, жаңашыл, сапалы авторлық бағдарлама әзірлеп қолданысқа енгізу. Осыған орай алғашқы қадам да жасалуда. Республикалық тренер Жазира Бейбітқызымен «Авторлық бағдарламаны қарқынды жазу» тақырыбында авторлық бағдарлама курсын оқып, авторлық бағдарлама куәлігіне қол жеткіздік. Келесі қадам алдағы жаңа оқу жылында қолданысқа енгізу.

Құрметті Жазира Бейбітқызы, көптен бері өзекті болып жүрген мәселеміздің күрмеуін шешіп, жол тауып бергеніңізге алғыс білдіреміз! Өзіңіздің озық тәжірибеңізбен бөлісіп, нақты бағыт-бағдар көрсетіп, азғана уақытта тиімді де, табысты әдістемелік көмек бергеніңізге алғысымыз шексіз. Сіз сияқты жол көрсетер көшбасшылар көбейе берсін. Мықты денсаулық, отбасыңызға амандық тілейміз!
Құрметпен, Қоянды №2 ЖОББМ