Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Ұлттық жоба – білім беру...
Текст
« Ақмола облысы білім басқармасының Целиноград ауданы бойынша білім бөлімі Қоянды ауылының №2 жалпы орта білім беретін мектебі» коммуналдық мемлекеттік мекемесі
Құрметті целиноградтықтар!
07.12.2023
Денсаулық сақтау министрлігінің деректері бойынша бүгінде Қазақстанда қызылшамен ауырған 17 мыңнан астам жағдай тіркелген, оның 82 пайыздан астамы - балалар, оның ішінде вакцинацияланбаған балалар 83 пайызын құрайды.
Қызылша аурулары елдің барлық аймақтарында дерлік тіркелген.
Бұл ретте сырқаттанушылықтың күрт өсуі осы жылдың қыркүйек айынан бастап ұйымдасқан ұжымдарда – балабақшалар мен мектептерде балалардың жиналуына байланысты байқалады.
Біздің ауданда қызылшамен ауырған 70 адам бар, олардың 66-сы сіз бен біздің балаларымыз. Кәмелетке толмаған балалардың денсаулығы біздің, ересектердің қолында, біздің сауаттылығымыз бен сергектігімізге байланысты. Олар үшін біз, ересектер - олардың ата-аналары, вакцинация алу немесе қабылдамау туралы шешім қабылдаймыз.
Бүгінде елімізде қызылшамен ауыратындарға арналған 3,5 мыңнан астам төсек-орын жабдықталған. Бүгінгі таңда 2375 бала стационарлық емделуде, бұл емдік төсек-орынның 60 пайызын құрайды. Төсек резерві 1093 орынды құрайды.
Ауруханаға жатқызылғандардың ішінде 30 бала ауыр жағдайда реанимацияда, оның ішінде бір жасқа дейінгі - 15 бала бар. Өлім-жітім тіркелмеген. Әсіресе қызылша вакцинамен реттелетін инфекция екенін атап өткім келеді. Баланың қызылшаға шалдығуы, қызылшадан асқынулар алуы, өмірінің қалған уақытында мүгедек болып қалуы немесе аман қалуы біздің, ересектердің шешіміне байланысты.
Ата-аналар, аға-інілер мен апа-сіңлілер, сіздерді дана, көреген болып, балаларға қызылшаға қарсы вакцина егуге шақырамын.
Просмотров: 733