"Жасөспірім" іс-шара барысында

Мектебімізде 2024 жылдың қыркүйек айының 18 жұлдызында Целиноград АПБ ювеналды инспекторы полиция-майоры Ермек С., Целиноград АПБ ЖПҚ учаскелік полиция инспекторы полиция аға лейтенанты Жасұзақ Ө. "Жасөспірім" іс-шара барысында 6-сынып оқушыларымен құқық бұзушылықтың алдын алу бойынша жұмыс жүргізді. Оқушылардың назарына заңдылықтың сақталуы, қоғамдық орындарда жүріс-тұрыс ережелері, буллинг пен кибербуллингке жол бермеу, электрондық темекіні пайдалану және кәмелетке толмағандардың спирттік ішімдіктер ішкені үшін жауапкершілігі, сондай-ақ заңды өкілдерсіз 23.00-ден кейін тұрғын үйден тыс болмауы туралы ақпаратты жеткізді. Полиция бастығы тек заңдар туралы ғана емес, сонымен бірге жасалған құқық бұзушылықтар үшін қандай салдарлар болатыны, яғни жауапкершілік туралы мысалдар келтірді.